عذب الحروف

ابجمع لك زلال الحرف من عذب(ن) يصيغ اكتاب
واعطّر عذبه حروفـي بشـوق (ن) صـار حاوينـي

ابسقـي خـاطـرك عـذبـه عسـاهـا تنـقـذ الاحـبـاب
عسى حرف العشق يجبر كسـور الهجـر والبينـي

اطيّرلـك حـمـام الـشـوق اطيّـرهـا علـيـك اســراب
ويبكـيـنـي عـلــى سـبّــة بـعــادك طـيـرهـا فـيـنـي

انيـن الجـرح والماضـي ولوعـات البعـاد اسـبـاب
حنـيـن الـشـوق والمـشـتـاق واللهفـــة تلاقـيـنـي

الا ياقمرة (ن) تضوي ليالي نصف شهر(ن) طاب
الا يـا نـور لاهـل النـور تـعـال وشعـشـع وجيـنـي

انـا مــن حّــزت اغيـابـك تـرانـي للـوصـل طــلاّب
واحـس الكـون مثـل السجـن والوحـدة تطاويـنـي

حكايا الليـل واصواتـك صداهـا مـن ورى هالبـاب
وشبّـاك الـفـرح مـوصـد لــك الله صــار مجفيـنـي

اعيـش بدنيتـي بعـدك ثوانـي اليـوم دون احسـاب
بها يومي يشابه ظلع(ن) اظلم موحش(ن) شيني

اناظر في يميني عتم والـ يسراي قـوس (ن) قـاب
وقدامـي سـراب البعـد ومــن فـوقـي ومــن بيـنـي

الا ياهاجرعـيـون (ن) مقايلـهـا غـــدت بـسـكـاب
وهـدبــات الـعـيـون تــكــلّ مـثـقـولـه تصـالـيـنـي

ترى ياحي بعدك مـوت تـرى يامـوت قربـك غـاب
نسيـت انـك حيـاة الــروح والبسـمـه وماء عيـنـي

تـرى والله لـو نقسـم طعـون الهجـر مـن غـصّـاب
مـحـال انــك تسـوقـه لــي الا تـمــده ايـديـنـي

تعال ارحـم صويـب القلـب عالـج قلبـه المنصـاب
والا ادفـن قتيـلـك كــان حـكــم الـهـجـر نـاويـنـي
اتمنى تحوز على اعجابكم طيــــــــ الحب ــــــــر