صوت الذكريات

""..تنهار في دوامه ما لها نهاية...
في عالم اسود..
ودموع كثيرة..
وذكريات مريرة...
تهذي بكلمات....
تمشي مثل المجنون...
تعشق طيف شخص راح وخلك...
تعيش وأنت شبه حي..
بقلب مكسور...ومشاعر منهارة..
تعيش وأنت خيال لا ميت ولا حي..
لا تعرف نهار من الليل...
تتساوي أيامك...
تحس انك ضائع في هالدنيا...
تدور من يحتويك...ما تلقى مثل اللي راح وخلاك..
تشوف الناس إمامك خيال...
ناس تمشي بدون مشاعر..
ناس ما تعرف... ليه هي تضحك...!!
ليه سعيده ..!!
تعيش بقلب خاوي وإحساس منتهي....
تسقط مثل الصريع على قبره وأنت تضم ترابه...
تمرغ وجهك بين التراب
تبي توصل له..
تبي تشوف وجهه..
تبي تعيش بعالمه..
تبي تضمه ...تبي تشم رائحته...
تحب كل ذره تراب اللي بين أصابع يدك....وتقول بصوت عاشق:
"أبيه ليه........لا تقولون انه مات....لا تقولون انه خلاص انه مات..."
تناجيه تناديه تتمني انه يسمعك...
تتمني انه يسامحك...
وتعاتبه ليه يخليك...
وين الوعود...وأين الحب....وأين الأيام..
تغمض عيونك بعد الهذيان اللي أصابك
تتخيل انه جنبك..
وانه يمسح دموعك...
و يحتويك..ويصبرك..
يطلب منك الصبر واحتساب الأجر
و الدعاء له بالثبات عند السؤال......